職位空缺

本處暫時沒有任何職位招聘

二級公司註冊主任

二級公司註冊主任主要負責公司註冊處各部別/組別的基層運作。包括審閱並登記公司及其他法團分別按照《公司條例》和相關法例遞交的各類文件；解答查詢；提供查閱及索取公司資料的服務；為執行《公司條例》提供支援，並就違反《公司條例》的情況協助提出檢控；管理資訊科技系統和參與資訊科技發展計劃；及管理所屬部別/組別的文書及輔助人員。

(只有中文版)

檢視旁白

熒幕蓋字：公司註冊處 公司註冊主任

男： 以前成日聽人講，香港遍地黃金，因為香港真係商機處處。而喺香港成立一間有限公司嘅程序，亦係非常簡單。

熒幕蓋字： Jeffery公司註冊主任

男： 你只要去到公司註冊處辦理登記註冊手續，攞到公司註冊證明書之後，就可以開展業務，實踐抱負。

熒幕蓋字： Cindy公司註冊主任

女： 至於我哋身為公司註冊主任，對於鞏固香港嘅國際金融同商業中心嘅地位，絕對有一定嘅貢獻。

熒幕蓋字： 公司註冊主任平日的工作

女：公司註冊主任嘅日常工作都相當繁忙架，我哋要為香港及非香港公司辦理註冊手續；處理根據《公司條例》規定而提交俾公司註冊處登記嘅文件；同埋辦理撤銷註冊嘅申請。另外，有好多機構、專業或商界人士以及市民大眾會透過我哋嘅網上查冊中心查閱公司資料，無論佢哋係透過互聯網、流動平台或者親身嚟到公司註冊處查冊，我哋都會為佢哋提供服務同埋協助。

男：為咗確保公司同埋佢哋嘅高級人員遵從《公司條例》嘅規定，有時我哋會親身去到公司嘅註冊辦事處巡查，如果發現有違規情況，我哋會按程序跟進。

熒幕蓋字：公司註冊主任的特質

男：我認為公司註冊主任最重要係保持嚴謹工作態度、處事仔細同埋具備良好分析能力，咁先可以確保每份交俾公司註冊處嘅文件都可以得到妥善嘅處理。

女：另外，由於我哋要經常要回答市民嘅查詢，所以良好嘅溝通技巧同待人以禮嘅態度係非常重要。

男： 公司註冊處嘅日常運作已經電腦化，加上電子平台提供提交文件同埋公司查冊服務，我哋需要熟悉電腦系統嘅運作。喺提升電腦系統嘅時候，我哋要進行全面測試，確保電子服務或者系統功能符合用戶要求。 

熒幕蓋字：公司註冊主任的使命

男：新嘅《公司條例》喺2014年3月起實施，喺實施初期我哋收到好多查詢，包括有關新條例應用嘅問題。為咗解答市民嘅查詢，令佢哋清晰明白新條例嘅規定，我自己喺短時間內熟讀相關嘅條文同埋參考部門網站上嘅資料，以加深對新條例嘅了解。

女： 我哋嘅目標係為客戶提供優質及高效率嘅服務，凡事盡量多做一步，與時並進，用心服務市民。

熒幕蓋字：Youth.gov.hk
                   公司註冊處公司註冊主任

有關其他政府職位的資料，請瀏覽Youth.gov.hk。

	Chrome 在頁面的選項單選擇「縮放」，然後按「+」放大。
	Firefox 在「檢視」一欄點選「縮放」，再選擇「放大」。你也可在頁面的選項單按「+」或「-」來放大或縮小字型。
	Internet Explorer / Edge 在「檢視」一欄點選「文字大小」，選擇「較大」或「最大」。你也可按IE的設定標記點選「縮放」，再選擇合適的百分比或「放大」。
	Opera 在「檢視」一欄點選「縮放」，再選擇合適的百分比。
	Safari 在「檢視」一欄選擇「放大文字」。